NASAYOD ang kanhi national coach nga si Chot Reyes kon unsa na ka dako nang gihimong sakripisyo sa Philippine Basketball Association (PBA) alang sa Team Pilipinas apan sa samang higayon, nasayod sab siya kon unsa ka mahinungdanon ang tuneup games alang national team sa dili pa kini mohamag sa 2019 FIBA Basketball World Cup.

Nahinumdom si Reyes kon unsa ka dako ang natabang sa international exposure nga nakuha sa Gilas Pilipinas una kini mikampanya sa 2014 nga edisyon ning matag upat ka mga tuig nga torneyo. Niadtong higayuna, si Reyes maoy naggiya sa Gilas Pilipinas.

Si Reyes, kinsa nagtrabaho na isip presidente sa ESPN 5, nga ang tune-up games batok sa France, Australia, Ukraine, ug uban pa nakapalig-on sa puwesra sa Team Pilipinas niadtong higayuna.

“We played very strong teams. Binugbog kami ng Ukraine, Australia. Then we went to France and played Venezuela and Dominican Republic. That toughened us up,” pasabot ni Reyes sa Spin.ph.

“And I think that feeling spilled over sa actual World Cup. So pagdating nung actual na laban, the players have a very good feeling about themselves.”

Tuod man, ang Gilas Pilipinas nakahatag og insaktong kombati una kini mingyukbo sa Croatia, Argentina, ug Puerto Rico sa group stages.

“So it’s very important for this team to get that same feeling going into the competition.” dugang ni Reyes.

Ang kasamtangang national squad nga gitawag og Team Pilipinas wala pa’y klaro kon makasagubang kini’g tune-up games sa gawas sa nasod gumikan sa eskedyul sa PBA.

Nanghinaot si Reyes nga makakita og paagi ang mga nangahilambigit nga dili mabalda ang eskedyul sa PBA. (ESL)