KANUNAY kong gihunahuna ang mga pamoso

Kinsa sa kinabuhi alirong sa daob nagpasiugda

Lukso-lukso ang kalayo nanglagtiw aligato

Kakapoy ug kalaay nawalay bisa

Ang tapoy sa kitara ni Mando balak ni Rauudo

Mga sugilanon ni Rama nobela ni Abellana

Ang Binisaya ni Baguio punto ni Bacalso

Unang balod sa kabag-o ni Roperos ug Navarra

Ang huyop sa hangin sa baybayon sa Sugbo

Namaypay sa mga nawong sa daob dinan-agan

Mga karaan sa kultora ug patriyotismo

Unya sa gatosang bangka namugsay ang kabataan.

Uban di ba natala na ni Resil, Erlinda ug Paglaom

Bagohan ug banog sa tagsa ilang estilo

Nagdangilag sa aligato sa mga bituon nananom

Tanan sa tanang lapyahan nagpurong ug ikagarbo.