LEONEL QUILLO

San Fernando, Cebu

Sulod sa ginhawaan

Sa uniberso pipila lang ang

Hilan nga mibayaw sa tahom

Nga kahimangod

Sa kagawong handurawan.

Katalirungan sa silaw sa

Nagtikubong adlaw

Makalukmay palandungon

Nga inanayng nahaylo

Ang midalipsayng bul-og

Sa metapora

Lagda sa usa ka sakong

Tipasi nga gikakha sa agila

Nga galukdo og nagtibugol

Nga panganod.

Takulahaw ipahamtang

Ang bahad sa nag-ulang nga

Kalalim sa diwang gitupsan

Sa kontrasenyas sa misiwil

Nga kahangturan.