BONGGA ang pilot airing sa Inday Will Always Love You (IWALY) sa GMA niadtong Lunes, Mayo 21 kay nakaposte ni og 42 percent sa Nielsen Philippines TAM’s National Urban Philippines.

Gipulig sa maong rom-com series ang kaatbang nga programa sa ABS-CBN nga Since I Found You ni Piolo Pascual nga duna ray 34.8 percent.

Ang IWALY, gi-produced sa GMA News and Public Affairs Viewers, naghubit sa kinabuhi ni Happylou Magtibay nga gidala sa award-winning Kapuso actress Barbie Forteza. Ang iyang mga leading men mao silang Derrick Monasterio ug Juancho Trivino.

Gipakita dinhi ang katahum ug kultura sa Sugbo, sanglit 80 porsyento sa maong serye gi-shoot sa atong dakbayan.

Ang IWALY gibituonan usab nilang Ricky Davao, Manilyn Reynes, Nova Villa, Gladys Reyes, Kim Rodriguez, Buboy Villar, Tina Paner, Super Tekla, Charisse and Charlotte Hermoso, Kimpoy Feliciano ug uban pa. (PR)