TULO ka adlaw human nga malipayong gisaulog ni Bela Padilla ang iyang birthday ingon sa gisundan og pagsuway sa dihang gidala sa tambalanan ang iyang British father nga si Cornelio Sullivan.

Kasamtangan nga naka-base sa Thailand ang papa sa aktres hinungdan nga dali nga milupad aron nga iyang ika-uban ang nagmasakit nga amahan.

Wa hinuon gibutyag ni Bela kon unsay hinungdan sa pagka-confine ni Sullivan sa ospital.

Tungod niini, mihangyo ang aktres sa iyang mga paryente, higala ug fans nga mohalad og pag-ampo sa kaayuhan sa panglawas sa iyang papa, taho sa ABS-CBN.

Sa sayo pa, na-emosyonal si Bela sa mga na-unang interview sa dihang nagtinguha na diay nga mobalik ang iyang papa sa United Kingdon ug lisud na unya alang sa aktres sa pagduaw kaniya. (B)