TULO ka mga dagkong primetime teleserye ang mag-premiere sa first quarter sa 2019 sa Kapuso Network.

Una, ang estorya sa batan-ong babaye nga Badjao sa “Sahaya” nga bituonan sa balik-tambalang Bianca Umali ug Miguel Tanfelix. Ilang maka-love triangle dinhi ang ambungang si Migo Adecer.

Ikaduha, ang political romantic comedy series TODA One I Love, ubos sa GMA Public Affairs nga bituonan nilang Kylie Padilla ug Ruru Madrid.

Ang star-studded cast maglakip nilang Gladys Reyes, Victor Neri, David Licauco, Jackie Rice, Kim Domingo, Tina Paner, Maureen Larrazabal, Raymond Bagatsing, Cai Cortez, Buboy Villar, Archie Alemania, Kimpoy Feliciano, Ayeesha Cervantes, ug Bruce Roeland.

Ikatulo, ang “Kara Mia” nga base sa tinuod nga estorya sa India ug urban legend sa Great Britain. Naghubit ni sa duha ka magsuong babaye nga silang Kara ug Mia, nga natawo duha ang nawong apan usa ra’y lawas nga gitawag og Disprosopus or craniofacial duplicationy.

Modala sa papel nga Kara ang award-winning Kapuso lead star Barbie Forteza samtang si Kara hatagan og kinabuhi ni Mika dela Cruz.

Ang dekalibreng cast sa fantasy dramang “Kara Mia” maglakip nilang Jak Roberto, Paul Salas, Carmina Villarroel, Glydel Mercado, Mike Tan ug John Estrada. Ang Kara Mia original concept sa Entertainment Group Drama sa direksyon ni Albert Langitan. (PR)