LAING kahigayonan alang sa mga Bisrocker!

Ang Bisrock Songwriting Contest 2019 ilusad karong alas 6:00 sa Sabado sa gabii sa duha ka mga dapit, ang naila nga “Kumbira sa Tisa” sa Barangay Tisa, dakbayan sa Sugbo ug ang bag-ong “Tambayan ni Felimon” sa dakbayan sa Talisay.

Atol sa paglusad, mopasundayag ang mga labing init nga banda sa Sugbo sama sa Assembly Language, Redstremes Milkyway ug pinili nga Lemmonhead Artists.

Karong gabii, ang lagda sa pag-apil sa Bisrock Songwriting Contest 2019 ipahibalo sa organizer nga Lemmonhead Production.

Libre ang pagtan-aw sa bangga sa Bisrock music alang sa mga kustomer sa duha ka resto-bars, Kumbira sa Tisa sa ilang ‘Binisayang Kanta’ ug Tambayan ni Felimon. Gidapit ang tanan sa pagsaksi sa eliminasyon sa bangga sa Bisrock bands matag Biyernes ug Sabado.

Suportahi ang musika nga Bisaya. (RRM)