GIKLARO ni Ai-Ai delas Alas nga way planong mobalik sa GMA 7 ang King of Talk sa ABS-CBN nga si Boy Abunda human sa nahitabong panihapon tali sa mga big bosses sa Kapuso network.

Nag-post si Ai-Ai og hulagway atol sa maong dinner gathering diin si Boy maoy nag-andam ug ang iyang mga bisita ang kadagkuan sa GMA.

“Thank you ama Mr. BOY ABUNDA for hosting the DINNER WITH GMA BOSSES...salamat po sa time Ms Lilybeth, Ms Darling, Ms Ruth, Ms Gigi, Ms Nini and Ms Weng of aaai..sarap ng kuwentuhan... yehey and thank you sa mga lady bosses for their time #sosidinner #solidkapuso #superchikahan @gmanetwork @gmapinoytv,” caption ni Ai-Ai sa iyang Instagram post.

Natala sa PEP.ph nga dili kalikayan nga adunay followers ang natingala ug nangutana sa presensiya ni Boy ug GMA bosses, ilabi na nga hangtod karon wa pa ma-renew ang franchise sa Dos.

@simund_ig, “Mukhang lilipat na si Tito Boy ah?”

@almagenecera, “Lilipat na ng network c boy abunda Ms. Ai?”

Tubag ni Ai-Ai nga way nahitabong negosasyon atol sa maong dinner hosted ni Boy labot sa giingong pagbalhin og laing network.

Ang dinner nga gipasiugdahan Boy para kang Ai-Ai ug giimbetar sab sa komedyante ang iyang mga boss sa GMA. (B)