LAING aktres ang naghudyaka ug nagmalipayon sa dagan sa iyang career karon, ang atong paisana nga bisayang si Kim Molina.

Una nako siyang nakita sa pelikulang “Camp Sawi” ug sa pipila ka mga teleserye.

Si Kim Molina nahimong bida sa iWant series nga “MOMOL” ug makadiyot sa “The General’s Daughter” ug gikalagotan isip bestfriend ni Daniella sa “Kadenang Ginto”.

Duna sad siya’y singing career. Usa siya sa mga orihinal nga cast sa musical stageplay nga “Rock of Aegis”.

Karon salida sa mga sinehan ang pelikulang bidang bida ang Kim Molina sa “Jowable,” usa ka comedy love story bahin sa dalaga nga wa gyud katilaw og uyab.

Bisan siya dili makatoo sa iyang mga naabot karon.

Gawas sa pelikula, blooming sad ang iyang lovelife. Tautaud na ang ilang relasyon ni Gerald Napoles. Sa tinud-anay, “Jowable” gyud ang guapa, ay’g saba!

Balik-teleserye na si Judy Ann Santos-Agoncillo nga magsugod na sunod semana sa primetime bida.

Ang pantaserye nga “Starla” ang mopuli sa matapos na karong semanaha nga “The General’s Daughter.”

Makauban ni Juday sa Starla silang Joel Torre, Joem Bascon, Meryll Soriano, Enzo Pelojero ug Raymart Santiago. Naa sad silang Heaven Peralejo (batan-ong Juday) Yesha Camile (batang Juday) ug may espesyal nga partisipasyon dinhi si Charo Santos Concio ug Tirso Cruz III. Ang themesong niini kantahon sa “TNT Boys.”