Ang mga momshies sobrang excited ug malipayon karon kay gawas nga lima ka tuig na nga giubanan nato sila matag buntag sa mga tsika, katawa, istorya, ug sorpresang hinilakay, may giandam sila para kanatong tanan karong buwana.

Ang mga host sa programang “Magandang Buhay” nga silang Karla Estrada, Jolina Magdangal-Escueta ug Melai Cantiveros ang mga momshies, mga beshie na usab sa usag-usa.

Tungod sa ilang panag-uban kanunay, mas milawom ang ilang relasyon sa panaghigalaay ug misamot ang closeness nila sa usag-usa.

Daghan na kaayo sila og gisaksihan nga mga panghitabo sa usag-usa nga maoy nakapa-suod nila og maayo.

Showbiz man o personal dili na matarog ang ilang friendship ug karon sa unang higayon mag-uban ang tulo sa usa ka bigating movie of the year.

Mao kini ang unang pelikula nila together ug kon riot man gani sila sa telebisyon, mas pa ang mahitabo sa pelikula.

Ang pelikulang “Momshies! Ang Soul Mo’y Akin” Puno sa katawa ug komedya ang mahitabo sa matag eksena.

Ang istorya, silang Karla, Jolina ug Melai nausab ang dagan sa ilang kinabuhi sa dihang nagkabayloay og kalag ang tulo.

Unsaon pagpadagan sa naandan nilang kinabuhi nga Karla nahimong Melai, si Melai nahimong Jolina ug si Jolina nahimong Karla. Dinhi pa lang gubot na kaayo ang mga eksena.

Sa maong panghitabo unsaon kaha sa tulo pag-sulbad ning problema ang “Momshies! Ang Soul Mo’y Akin.” Hatod kanato sa Star Cinema ug Keep Filming sa direksyon ni Easy Ferrer, Ay’g Saba!

Ang beteranang aktress nga inyong nasundan sa Kapuso network sama sa “Encantadia,” “Kung Mawawala Ka,” “Ika-6 Na Utos” ug uban pa, karon excited usab sa bag-ong teleserye ini sa Kapamilya network.

Sugdan na ang seryeng “Marry Me, Marry You” ug makauban dinhi nilang Paulo Avelino ug Janine Guttierez si Sunshine Dizon.

Ang pagbalhin niya dinhi sa maong network bisan pa man og wala kini prangkisa gikinahanglan kini niyang buhaton.

Mao nga sa dihang may offer ang Dreamscape Entertainment ni Deo Endrinal, matod pa ni Sunshine nga meant gyud kini para kaniya.

Sa teleserye nga iyang buhaton, makauban niya silang Cherry Pie Picache ug Vina Morales duha sa mga artistang gusto niyang makauban ug trabaho.

Naghandom ug naglaum usab si Sunshine Dizon nga makatrabaho usab niya sa umaabot nga mga adlaw silang Angelica Panganiban, John Lloyd Cruz, Ketchup Eusebio, ug Piolo Pascual.

Ang pagbalhin niya ang bag-ong season sa iyang kinabuhi ug bag-ong chapter sa iyang career ug atubangon kini niya nga malipayon ug mapasalamaton, Ay’g Saba!