Gikumpirmar na sa Cebuanang si Steffi Aberasturi nga usa siya sa mga aplikante karon sa Miss Universe Philippines 2021.

Ang 26-anyos nga Spanish-Australian-Filipina nga nidako sa lungsod sa Liloan nibutyag nga iyang gisumitir ang iyang application niadtong June 23 apan dugay na kuno niya ning gipangandaman.

“I am letting all of you know firsthand that I am officially joining this year’s Miss Universe Philippines Pageant. I’ve been silent but it has been years of training and preparation,” tipik sa iyang pamahayag.

Taas ang expectation sa mga taga-pageant kang Steffi tungod sa iyang track record. Si Steffi mao ang Sinulog Festival Queen 2011, Miss IPI 2012, Miss Campus Femme 2012, Miss Mandaue 2013, Reyna ng Aliwan 2014, Miss Beauché International 2015 ug Binibining Cebu 2018.

MAUREEN APIL SAD

Usa usab sa mga gidungog nga nisumitir og application sa Miss U ang Asia’s Next Top Model Season 5 winner Maureen Wroblewitz. Apan no comment pa lang ani sa pagkakaron ang girlfriend sa singer nga si JK Labajo.

Si Maureen ang usa sa mga nipirma karong bag-o sa Star Magic sa ABS-CBN.

Samtang si Willie Revillame modagan gyud kuno sa pagka-senador sa 2022 election. Atangi ang iyang official announcement karong Agusto.

COLB SA WERPA

Sukad gibuksan ang Werpa Food Park niadtong Biyernes wa gyuy hubashubas ang mga tawo.

Mao ni labing bag-o nga tambayan nga gidagsa karon diha sa barangay Punta Princesa nga dunay 22 ka mga kan-anan ug duna pay live band. Apan limitado ra sa 250 ka tawo ang pasudlon o 50% sa kapasidad base sa kamandoan sa IATF. Open ni from 10 am to 10 pm.

Ang usa sa mga best-seller nila ang Cebu’s Original Lechon Belly (COLB). Daghan kaayo ang nalipay kay nagpaduol na gyud nila ang COLB. Inig sud ninyo sa Werpa makita dayon ninyo ang tindahan sa boneless lechon kay mao ni nag-una gikan sa entrance. Go lets na!