ANG incoming Grade 12 sa kursong Humanities and Social Sciences nga si Menscel Sanchez Casipong, 17 maoy napili nga Miss Pajo 2018.

Si Casipong nga mi-represent sa District 3, Humay-Humay milupig sa laing 10 ka mga kandidata atol sa gipahigayon nga 4th Ms. Pajo beauty pageant niadtong Sabado sa gabii diha sa gym sa maong barangay.

Audience mi-abiba sa iyang tubag sa pangutana nga “If love is the answer, what is the question?” nga matod pa nga ang tanan imposible pinaagi sa gugma nga iyang gi-apilan og Bible verse nga “For God so love the world that He gave His only begotten Son...” uban sa iyang panghinaot nga undangon ang kasuko / kalagot sa isig ka-ingon inay ang pagsabwag ang kalinaw.

Nakuha sab ni Casipong ang minor awards nga Best in Production Number ug Ms. Photogenic.

Ang candidate no. 10 – Richelle Ann Malunhao, 17 maoy first runner-up, ang 16 anyos nga si Cindy Ella Quirante candidate no. 2 maoy second runner-up samtang third runner-up si Eumeria Mariz Genodial, candidate no. 8.

Samtang ang ubang midaog sa minor ug special awards naglangkob nila ni:

Best in Swimwear – candidate no. 10 Richelle Malunhao

Best in Talent – candidate no. 2 Cindy Quirante

Best in Evening Gown – candidate no. 1 Nicole Puspus

Ms. Smart and Sun – candidate no. 5 Krystle Dacut

Ms. Congeniality – candidate no. 8 Eumeria Genodiala.

Si re-elected Pajo Barangay Kapitan Junard Chan nagkanayon nga ang Miss Pajo pageant usa sa mga highlight sa ilang pagsaulog sa kapistahan ni Sr. San Jose, ug siya nanghinaot nga magpabilin ang kainit sa suporto ug kahinangop sa mga konstituente sa nagkadaiyang kalihokan sa barangay.

Mibilin og mensahe nga ipadayon ang panaghugbong sa komunidad alang sa kalambuan sa Pajo. / FVQ, Hulagway ni Rapson Ybañez official photographer Ms. Pajo pageant. (B)