Gitataw sa usa ka inahan nga wa siya mahibaw nga siya mabdos human kini manganak ibabaw sa kawanangan atol sa iyang flight sa milabayng semana.

Si Lavinia Mounga nilupad gikan sa Utah sa Estados Unidos paingon sa Honolulu sa dihang kini nagbati.

“I just didn’t know I was pregnant, and then this guy just came out of nowhere,” ni Mounga sa video interview sa Hawaii Pacific Health.

Nasayo ang pagkatawo sa batang lalake nga si Raymund kinsa gikataho nga anaa sa 29 ka semana nga gisabak sa iyang inahan.

Ang pamilya Mounga paingon unta sa Hawaii alang sa bakasyon sa pamilya.

Maayo nalang kay sa pagpanganak ni Lavinia, kasakay niya ang mga doktor nga sila si Dr. Dale Glenn nga usa ka family medicine physician sa Hawaii Pacific Health, kuyog ni Lani Bamfield, Amanda

Beeding ug Mimi Ho, mga nurse neonatal intensive care unit gikan North Kansas City Hospital.

Ilang gitabangan si Lavinia sa pagpanganak sud sa eroplano.

“Yeah, just overwhelming and just nice that there was three NICU nurses on the plane and a doctor that were able to help stabilize him and make sure that he was OK,” ni Mounga.

Himsug ra si Raymund apan kinahanglan pa kini nga magbalin sa ospital sanglit gipanganak man kini nga premature.