Naukay sa usa ka mag-uuma nga Belgian ang internet human wa tuyua niini nga masibog ang utlanan tali sa France.

Ang usa ka history enthusiast naglakawlakaw sa lasang sa dihang nabantayan niini nga ang muhon sa utlanan tali sa duha ka nasud nasibog og 2.29 metros.

Nasuta nga ang maong mag-uuma naglagot sa muhon nga kanunay maigo sa agianan sa iyang tractor maong iya kining gisibog sa bahin sa France, pasabot nga mas napagamay niya ang hurisdiksyon sa silingang nasud.

Imbes nga makamugna og internasyunal nga kasamok, ang insidente nakapahimuot sa duha ka mga nasud.

“He made Belgium bigger and France smaller, it’s not a good idea. I was happy, my town was bigger. But the mayor of Bousignies-sur-Roc didn’t agree,” sumala ni Mayor David Lavaux sa Erquelinnes sa Franch TV channel nga TF1.

Ang gihimo sa mag-uuma nakapalabad sa ulo sa mga pribadong tag-iya og mga luna ug sa mga silingang mga dapit.

“We should be able to avoid a new border war,” ni Aurélie Welonek, mayor sa silingan nga dapit habig sa France, niingon sa La Voix du Nord media.