ANG tulo ka Haring Mago mitug-an kang Herodes,

Ang Batang Hari sa tanang mga hari natawo na!

“Sultii ko kon makit-an na ninyo ang maong Bata

Kay moluhod ko ug mohalad og gasa Kaniya!”

Ang tulo ka Haring Mago miabot sa pasungan

Diin ang Batang Hesus sa mga baka gialirungan.

Nag-apong Kaniya malipayon si Hosep ug si Maria.

Ang tulo ka hari mihalad bulawan, insenso ug mira.

Kay wala mamalik sa palasyo ang tulo ka Mago

Naglagot si Herodes ug sa kasundaluhan mimando,

“Patyon ang mga batang bag-ong nangatawo

Lakip na ang mga batang nag-edad uno hangtod utso!”

Ang pagkatawo sa Anak sa Diyos nga Amahan

Daghang kabataan nga sa kamatayon naangin.

Sangko sa langit ang kaguol sa ilang mga inahan.

Gibansagan silang Ninyos Inosentes sa kasaysayan!