IGO lang nakasud sa Top 10 sa Miss Earth 2019 pageant ang representante sa Philippines nga si Janelle Tee.

Ang koronasyon gipahigayon sa niadtong Sabado, Oktubre 26 didto sa Cove Manila, Okada Manila, Parañaque City.

Nasayran nga si Janelle nailhan sa tawag nga “Kimchi” nga kanhi co-host ni Willie Revillame, sa Wowowin, afternoon variety program sa GMA-7.

Ang pambato sa Puerto Rico nga si Nellys Pimentel maoy Miss Earth 2019, taho sa PEP.ph.

Samtang ang ubang Elemental Court titlist naglangkob nila ni: Miss Earth-Air 2019: Emanii Davis – USA; Miss Earth-Water 2019: Kiara Vavruskova - Czech Republic; ug Miss Earth-Fire 2019: Alisa Manenok – Belarus. (B)