KINING lumpia dali himuon ug lami kaayo. Pwede nimo ni buhaton og advance ug prituhon lang sa di pa mokaon para crispy kaayo ni. Di ka maguol nga mahilaw ang karne sa sulod kay ginisa na kini. Pwede kaayo ni sa inyong mga party karong Pasko.

• Mga Sagol:

4 kutcharang mantika

2 lusok sa ahos gitadtad

1 sibuyas gitadtad

1/4 kilo nga ginaling nga baboy

2 patatas gi-dice og ginagmay

1 carrot gi-dice og ginagmay

1 sili atchal slice nga ginagmay

1/2 tasa sa pasas

4 kutchara nga toyo

2 kutchara nga harina

black pepper

20 lumpia wrapper

• Unsaon Pagluto:

1. Gisaha ang ahos ug sibuyas hangtod mohumot pero ayaw itostado.

2. Gisaha pud ang ginaling hangtod maluto ni ug wa na mag tubig.

3. Idungag ang carrots, patatas, sili atchal, raisins ug harina. Gisaha kadali. Timplahi og toyo ug paminta.

4. Pabugnawa ang ginaling usa iputos sa wrapper. Pritoha hangtod ma-crispy ang lumpia.

Sunda ko sa akong social media accounts.

Facebook: facebook.com/LutongTatungOfficial

Website: www.lutongtatung.com

Twitter: @cheftatung

Instagram: Cheftatung