GRAND Canal sa nasod?

Yas! Ang Venice Grand Canal sa Taguig City nga anaa sulod sa Grand Canal Mall sa McKinley Hill Garden Villas, mao karon ang usa sa gibisita sa mga turista nga moadto sa Manila.

Niabli kini sa publiko niadtong 2015 diini gi-develop kini sa Megaworld Corporation.

Tungod kay anaa kini sa mall, libre ang pagsud ug pagkuha og hulagway niini.

Hinuon kon mosakay ka sa ilang Gondola Ride, P300 ang bata ug P400 ang dagko.

Dihang nibisita ko sa dapit, wa kaayo ko na-impress niini di tungod kay gamay kini apan tungod kay canal lang siya, nga gibutangan og mga kan-anan sa kilid niini.

Mas maayo seguro mobisita ka og gabii aron nindot tan-awon ang lightings niini, kon adlawan man gud init kaayo didto apan nindot gihapon kini nga hulagwayan.

Sa gikaingon ko pa nga usa kini ka mall, so ang isig ka kilid sa canal adunay kan-anan o kaha tindahan busa kun gigutom naka o kaha gikapoy na kag kuhag hulagway anaay kapahuwayan.

Ang Italian-inspired nga mall anaa usab kini mga Italian restaurant.

Usa niini mao ang Gran Caffe Lavena nga maghatag kanimo og kinatibuk-an nga view sa Grand Canal tungod kay anaa kini sa tunga-tunga.

Tungod kay sikat kini, pagdahom na nga daghang tawo sa lugar ug daghang photobomber sa imong gusto nga pose.

Kon makabisita ka og Manila, ayaw sipyata ang pagbisita sa Venice Grand Canal.