DEAR Papa Joe,

Ako diay si Thelma nga taga Negros pero ania ako karon sa Liloan, Cebu. Magpatambag unta ko ko kay ang akong ka live-in nagkabuwag mi. Unya karon ako unta kuhaon ang among anak pero di siya mosugot. Diri na ni siya nako sa una pero bugas ray ihatag duha ka kilo kada semana mao to napugos ko og padala sa bata niya. Pero karon na naa na koy trabaho, ako na unta kuhaon ang bata ug pabantayan na lang ta nako ni mama pero di niya ihatag.

Unsa may buhaton nako para makuha ang bata? Palihug tambagi ko.

THELMA

Thelma,

Maayong adlaw kanimo. Siguro una sa tanan pag-estorya mo og tarong sa imong ka live in kay basin may punto sad siya ngano di niya ihatag ang bata. Siguro nahigugma pa gyud siya nimo. Basin di gyud siya ang may problema mao nga di niya ihatag ang bata para magkabalik mo.

Unsa may rason pakig-estoryahanay mo para sa bata. Pero kon tan aw nimo sayop niya ug di na ka, duol sa barangay o Department of Social Welfare and Development (DSWD) para matabangan ka nga makuha ang bata kay di man mo kasado.

PAPA JOE

(sa inyong tampo ipadala sa papajoesuperb@gmail.com)