DEAR Noy Kulas,

Good day! My name is Kent, 32 years old. My problem is about my relationship with my girlfriend ug boyfriend. Yes, silahis ko ug puro wa sila kahibawo kay maayo ko motago ug mo schedule sa dates with them. Puro sab nako sila love ug duna nay nahitabo namo. Ambot ngano ning akong kasingkasing. Crazy noh?

Naa koy problema karon kay mabdos ang akong girlfriend ug gusto na niya magminyo mi. Ang akong boyfriend gusto niya nga dad-on ko niya sa abroad or paapason kay molarga na siya later this year kay nadawat siya didto. Naglibog ko unsa akong buhaton ani nilang duha kay di ko gusto nga naay masakitan ani nila kay love nako silang duha. Noy, kon ikaw ang papilion, kinsa nilang duha?

Kent

Kent,

Di man ko makapili kinsa nilang duha kay ikaw man ang mas nakaila nila ug nagdala sa imong kasingkasing. Kon gugma gani ang hisgutan, lisod kaayo na nga laing tawo ang pahukmon. Mas naa ka sa dapit nga makahimo sa maayong hukom. But maka guide ko or makatambag ko nimo sa process.

Kini lang. Sagad nato kon magkatiguwang na ta, ang tawo mangita og anak o liwat. Mao na ang sagad atoang pangitaon although di tanan. Mao man gani nga naay mga magtiayon nga wa makaanak, nanagop sila. Mao na nga kon ang imong pilion mao ang imong boyfriend, kon mangita ka man ang bata, kutob ra mo sa pagpanagop kay di man siya makaanak. Whereas kon ang imong girlfriend ang imong pilion, seguradong duna ka nay anak kay mabdos na gani siya karon. I tell you, lahi ang ma-feel nga kalipay kon mamahimo kang amahan. Mao gani ni ang gibati sa pipila ka mga silahis nga akong nailhan. Nagminyo sila tungod kay gusto silang dunay liwat.

Wa ko mag-ingon nimo nga ang imong GF ang pilia. Nitumbok lang ko nga basin pareho ka sa ubang mga lalake nga moabot ang time nga mangita kag liwat. Ug mosugot ka man o di, sa imong sitwasyon, duna man gyuy masakitan kay pulos mo na man sila nakuptan. Maayo man unta nag buwak nga igo ra nimo silang gitan-aw bisan kon nakagusto ka kanilang duha. Moabot ra ang panahon nga duna kay pilion kanilang duha.

Noy Kulas