DEAR Noy Kulas,

Tawga lang ko sa alias nga Dodong, 22-anyos, usa ka OFW. Dili lang ko mag-tell asa nga country.

Bag-o ra ko naka work diri kay last year ra ko nadawat. First time sab nako nga naka abroad. Pila ra may estorya, Noy, naa koy nasuod nga babaye nga almost twice my age. Wa ko magdahom nga magkarelasyon mi kay na-develop ang akong feeling niya.

Minyo siya pero wa silay maayong relasyon sa iyang bana. Ari diri niya gipahungaw nako ang iyang mga problema. Naluoy ko niya ug nadugayan, na-develop ang akong feeling niya. Wa na ko makaagwanta, ako na lang siyang gisultihan. Na-shock siya kay ang iya diri kuno nako friendship lang unta pero niangkon siya nga nagkadugay, naka-feel siya og something different.

Karon nagpuyo na mi sa usa ka apartment and mora na mi og husband and wife. Ni-promise siya nako nga mo-file siya og annulment sa kasal niya sa iyang bana unya og mauli na siya sa Pilipinas. Taga Manila diay ni siya. Sa iya karon nga edad, she is too young tan-awon. Grabe ka hamis ug kabatan-on looking. Mabuang tingali ko kon magbuwag mi. Unsay tan-aw nimo, okay ra ni ang among relationship bisan sa among edad? Tinud-on kaha niya ang iyang promise sa akoa nga magpa-annul siya sa kasal. Please tambagi ko, Noy Kulas.

Dodong

***

Dong,

Basta gugma na gani ang estoryahan, mamahimo na dayon tang unreasonable. Kana bang basta gugma, way logic and reason ning butanga. Bisan ang maayong lake nga mga tawo, basta masanapan na sa gugma, di na makahuna-huna og tarong. It defies logic and reason.

Okay ra man unta na ang relasyon kon annulled na ang iyang kasal. Apan wa pa man gud. Kuyaw hinuon kon dunay makahibawo nga nagpuyo na mo unya kon momabdos ang babaye, mas dako na nga problema.

Huna-hunaa usab og maayo kon maayo ba ang relasyon nga naay third party nga mao ang iyang bana. Moabot baya usahay ang panahon nga di malikayan, magselos ka sa iyang bana kon mouli na siya. Bisan gani sa laing lalake, hayan moabot na. Ingon niana ang sagad sa kondisyon sa panghuna-huna sa mga relasyon nga ingon niana.

Unsa may imong buhaton? Hinayhinay lang. Basin nakalitan ka lang sa kinabuhi nga ingon niana, labina kay batan-on ka pa.

Noy Kulas