INISYAL nga impormasyon nga nakuha sa PEP.ph nga dili ra grabe ang kahimtang sa actor/model nga si Troy Montero human nga nibangga ang iyang gimaneho nga race car sa laing car racer atol sa Vios Cup niadtong Agosto 31.

Atol sa Facebook Live nga kuha atol sa maong lumba duol na unta sa finish line si Montero sa dihang kalit kining mikusog pag-ayo ug iyang nadaro ang laing sakyanan nga diha sa iyang atubangan, taho sa PEP.ph.

Dali nga ni-rescue ang medic aron sa pagtabang sa duha ka mga car racing drivers ug nakita nga kalma ra nigawas ang laing driver nga si John Dizon samtang si Troy gikarga sa stretcher ug gisakay sa nagpaabot nga ambulansiya.

Gawas ni Troy apil sab sa maong lumba ang iyang misis nga si Aubrey Miles kinsa atol ning pagsuwat wa pa moluwat og pamahayag si Miles sa latest medical bulletin sa iyang bana. (B)