LAING hugot song na usab ang mapaabot sa mga music lover karon nga nipirma na og kontrata ang aktor-singer nga si JM De Guzman alang sa usa ka bag-ong album.

Si JM nipirma og kontrata sa Star Music niadtong Biyernes, Mayo 24.

Matod sa aktor nga usa sa kanta niini mao ang tubag sa hugot song ni Moira Dela Torre nga “Tagpaun.”

Aduna’y kolaborasyon ang duha inubanan sa singers nga sila si Rico Blanco ug Raphael Kyle.

Ang maong album aduna kini’y walo ka kanta diin lima sa kanta niini siya mismo ang nagsuwat.

Si Moira ang most streamed Filipino singer sa Spotify niadtong 2018. (B)