Nakatutok na karon ang atensyon ni Filipino Eumir Marcial kabahin sa iyang pagpangandam alang sa 2024 Paris Olympics nga ipahigayon karong Agusto.

Kini human niya gidispatsar pinaagi sa 4th round knockout nga kadaugan si Thai Thai opponent Thoedsak Sinam niadtong Sabado sa gabii, Marso 23, 2024, sa Ninoy Aquino Stadium sa Manila.

Ang Tokyo Olympics bronze medalist mouban sa national team sa training camp niini sa US Olympic Training Center sa Denver, Colorado sa sayong bahin karong Abril.

Human niini, mouban sab si Marcial sa national team sa Thailand alang sa samang training camp.

Si Marcial nakadaug og bronze medal sa miaging edisyon sa Olympics nga gipahigayon sa Tokyo sa middleweight division. Sa Paris, mokampanya na si Marcial sa super middleweight. / ESL