DUNAY unom ka mga presidente sa nasod human sa EDSA People Power Revolution nga nakapalagpot sa diktador nga lider nga si anhing Presidente Ferdinand Marcos niadtong Pebrero 25, 1986. Subayon nato sa matag administrasyon.

Una mao si anhing Pres. Corazon Aquino nga walay planong mahimong lider sa nasod apan gituboy sa gahom tungod sa iyang popularidad human sa kamatayon sa iyang bana nga si Sen. Ninoy Aquino sa Tarmac sa airport sa Manila.

Nagkalandrakas ang nagsagol ang politikanhong bulok o oryentasyon gikan sa layong wala ngadto sa layong tuo. Gidalidali pag-usab ang batakang balaud.

Nisunod si Pres. Fidel Ramos nga usa sa nag-unang personalidad sa EDSA I. Giilang ‘minority president’ ug nabaniog usab sa halapad nga korapsiyon.

Si Pres. Joseph Estrada maoy nisunod apan wala makatapos sa iyang termino human napalagpot sa gahom. Siya maoy unang presidente sa nasod nga napalagpot sa eletronic o digital message o panawagan tungod sa isyu sa moralidad ug korapsiyon. Nabilanggo apan nakagawas.

Nipuli ang iyang bise presidente nga si Gloria Macapagal Arroyo ug nalugwayan sa iyang termino human nidaug sa nisunod nga eleksiyon. Daghang alegasyon nga korapsiyon apan nagsugod ang daghang pundasyon sa ekonomiya. Nabilanggo human sa iyang termino ug nakagawas na. Karong Speaker sa Ubos Balay-Balauranan.

Karong kasaulogan sa ika-33 nga sumad sa EDSA I maatol sa administrayon ni Presidente nga walay isyu sa korapsiyon apan napuno sa akusasyon sa daghang patay ug human rights violation tungod sa iyang gubat batok sa ilegal nga drugas. Apan nagpabiling tanghaga ug hugonhugon nganong sukad napili siya nga presidente, wala kini motambong sa kasaulogan sa EDSA sa kaulohan.

May kausaban ba human EDSA revolt?