Opinyon

Barrita: Cha-cha taliwa sa Covid-19 pandemic

Eddie O. Barrita

ADUNAY duha ka pending Resolution of Both Houses (RBH) sa Senado ug sa House of Representatives alang sa pag-convene sa Kongreso nga usa ka constituent assembly (Con-ass) alang sa Charter change (Cha-cha) sa pag-amendar sa 34 anyos nga 1987 Constitution.

Ang RBH 2 gipasaka sa Senado nila ni Senador Francis Tolentino ug Ronald dela Rosa. Ang RBH 2 gipasaka sa House of Representatives ni Speaker Lord Allan Velasco. Kinahanglan nga magkauyon ang duha ka balay-balauranan alang sa usa ka Con-ass.

Ang RBH 2 sa Senado alang sa “limited amendments” sa 1987 Constitution. Samtang ang RBH 2 sa House of Representatives alang sa pag-amendar sa mga economic provisions sa Konstitusyon, ilabi na sa pagdili sa mga langyaw sa pagpanag-iya og yuta ug mga negosyo sa Pilipinas.

Apan si Senate President Vicente Sotto III namahayag niadtong Huwebes nga giawhag ni Presidente Rodrigo Duterte ang Kongreso sa pag-convene sa usa ka Con-ass aron wagtangon ang party list system nga giingong na-infiltrated sa mga rebelding komunista.

Matod pa ni Sotto, di tandugon ang termino sa mga piniling opisyal sa gobyerno. Apan sakto kaha nga unahon ang constitutional amendments samtang nag-atubang kita sa Convid-19 pandemic ug wa pay klaro kon kanus-a moabot ang bakuna batok niini?

Si Anakalusugan Rep. Mike Defensor, sa usa ka pamahayag, niingon nga bukas siya alang sa pagrepaso sa Batakang Balaod apan di karon mao ang saktong panahon, kay ang nasod nakigbugno pa sa Covid-19 pandemic.

Samtang si Presidential Spokesperson Harry Roque Jr. niingon nga ang pag-amendar sa Konstitusyon usa ka “sole constitutional prerogative of Congress.” Matod niya, ang “no. 1 priority” sa administrasyon mao ang Covid-19 pandemic, ilabi na sa pagpalit og mga bakuna batok niini.

Pakyas ang unang mga pagsuway sa pag-amendar sa Batakang Balaod. Niadtong 1997, ubos ni kanhi Presidente Fidel Ramos, gilusad ang People’s Initiative for Reform, Modernization and Action (Pirma) aron amendahan ang Article 7, Section 4, 1987 Constitution nga nagdili sa reelection sa presidente.

Gisalindot kini sa Korte Suprema, kay matod pa ni retired SC Justice Adolf Azcuna, di paigo ang gigamit niini nga paagi, ang people’s initiative, nga alang lang sa amendment ug di alang sa revision sa konstitusyon.

Sa 1999, gilusad ni kanhi Presidente Joseph Estrada ang Constitutional Correction for Development (Concord) aron ilibkas ang pagdili sa mga langyaw nga makapanag-iya og negosyo sa Pilipinas pinaagi sa Con-ass. Pakyas kini tungod sa pagsupak sa lain-lang mga sektor.

Pakyas usab ang tinguha ni kanhi Presidente Gloria Macapagal-Arroyo nga usbon ang sistema sa gobyerno pinaagi sa Con-ass ngadto sa pederalismo ug gikan sa bicameral presidential system ngadto sa unicameral parliamentary system. (edbarrita@gmail.com)

‘MUDDY WATER.’ A sample of water from Barangay Vito, Balamban placed inside a transparent plastic bottle shows a substance that resembles mud. This photo was sent by American national Bob McQuaid, a resident of Vito, to SunStar Cebu on Thursday, April 25, 2024. He said the “muddy” water comes from Balamban Water District. /

'Muddy water' irks some residents

Piston Cebu skips transport strike for 2nd time, plans rally against PUVMP outside LTFRB 7

DILG allows police, jail, fire personnel to wear light uniforms due to summer heat

Defense chief: PH didn't sign any contract with China concerning Ayungin Shoal

Cavite Representative Barzaga passes away