Masuwayan na gyud kon legal ba kining policy sa nasudnong kagamhanan nga nagdili sa angkas sa motorsiklo panahon ning coronavirus disease (Covid-19). Sa Hunyo 3, 2020, si Gobernador Gwendolyn Garcia mipagawas og executive order nga nagtugot sa angkas human mapasar unya ang ordinansahon sa Lalawigan sa Sugbo nga tukion sa special session sa Biyernes, Hunyo 5.

Matod ni Garcia nga wa silay nakitang kalapasan sa balaud sa pagpaangkas nga way bayad kay sakop sa pamilya o kauban sa trabahoan. Busa, human sa tigom tali sa mga opisyal sa Land Transportation Offi ce (LTO), Land Transportation Franchising and Regulatory Board (LTFRB) ug ubang mga opisyal sa lalawigan sa Miyerkules, nakahukom si Garcia sa pagpalabang og EO.

Bisan unsaon og rason sa Department of Transportation (DOTr), ang motorsiklo maoy bugtong nga sakyanan nga de motor nga mas luwas sakyan panahon sa pandemic. Mas kuyaw ang four-wheeled nga mga sakyanan, labina ang mga bus ug uban pang pampublikong mga sakyanan.

Mahimo man nga ang itugot nga paangkason mao ang sakop sa pamilya. Ang pag-ila pinaagi sa pag-isyu og identifi cation (ID) card matugyan ngadto sa barangay o sa buhatan sa mayor nga mas nakaila kanila. Wa na kinahanglana pa ang papel sa LTO alang niini.

Mas makaayo pa gani kini sa kagamhanan kay sa ingon mailhan na ang mga motorsiklo nga legal ug kompleto sa papelis. Mailhan kon unsay kinawat ug unsay dili. Makabaton na sab og kaugalingong data base ang mga LGU, sa ingon mas daling masubay ang mga nanag-iya og motorsiklo.

Sa laktod, mahimo na kining hanig sa mas dali nga pagsubay sa mga motorsiklo taliwa ning pagpakigbatok sa kriminalidad.

Ning gibuhat karon sa Kapitolyo, masuwayan usab kon unsa ka lig-on kining hinanggaw nga policy sa nasudnong n kagamhanan ga nagdili sa angkas bisan kon sakop sa pamilya.