DAW nakalimtan man lang sa Department of Health (DOH) ang kaso sa Covid-19 sa Visayas ug Mindanao.

Sa wa pa mobuto ang balita nga adunay 24 ka mga tawo nahimong positibo COVID-19 sa Metro Manila, mas sipa ang balita sa Visayas.

Nahinumdum ta nga nahimong national isyu ang pag-abot sa duha ka mga Insik gikan sa China sakay sa flight sa Hong Kong to Cebu.

Pag-abot sa Mactan Cebu International Airport (MCIAA) niadto ug Dumaguete ug nidiretso sa Manila.

Ato nalang na-balita-an nga na-admit sa San Lazaro Hospital ang 38 anyos nga babaye nga giingon nga Patient Under Incestigation( PUI ).

Naayo ang babaye nga pasyente apan ang iyang boyfriend nga way semtomas (symptoms) ang namatay sa coronavirus. Kini unta nga isyu maoy maka pahigmata sa kadagkoan sa DOH nga ilang tagaan og pagtagad ang Visayas ug Mindanao kon wa bay nagkasakit.

Sa akong pag-research ang kalit nga pagtug-an sa DOH sa kaso Covidf-19 sa Metro Manila sa dihang dunay taga Taiwan ug Australia nga nahimong positibo sa coronavirus pag-abot sa ilang nasud gikan dinhi sa Pilipinas.

Tungod niadto nagdali-dali ang DOH sa pagpagawas ug numero sa gidaghabon sa mga positibo sa Covid-19

Sa Marso 8, gipahibawo sa DOH nga dunay unom ka mga kaso sa Covid-19. Ug dugang 14 pagka Marso 9 nga dunay total nga 24 ka mga pasyente.

Karon migawas ang report nga dunay suwat ang DOH sa Malakanyang gipetsahan ug Pebrero 21, 2020 nga dunay kaso sa Covid-19.

Asa man karon ang mga tawo nga dunay contact o duol niadtong mga pasyente nga posibling natakdan didto sa Luzon?

Maayo og ipahibawo nasab unta sa DOH kon asa nagpuyo kadtong nakasakay sa eroplano sa duha ka pasyente nga mianhi sa Sugbo ug pila kabuok ang taga Mindanao.

Namatay man gud ang usa niadto ka pasyente nga Insek nga nakaanhi sa Sugbo. Maniguro lang sab mi nga taga Visayas ug Mindanao. Kay taga Luzon ra man ang giatiman karon sa taga health department. (efrenlonzon71@gmail.com. / 09235562777)