SA NAKALABAY nga mga adlaw gihasol kita sa ulan ug unos dinala sa bagyo nga nilambo sa Luzon area. Daghang kinabuhi ang nakalas ug naangol. Ang taga Barangay Ermita, Cebu City nagbangutan gumikan sa kamatayon sa pipila ka kinabuhi human nitikyaub ang motor banca nga ilang giluwanan samtang naglawig sa kadagatan sa Iloilo.

Samtang bation kita og kabalaka sa trahedya sama niini, sayod tang tanan nga kon kalamidad ang hisgutan, ang alarma sa sunog maoy dali kaayong motumaw. Gamay lang nga pagpabaya posibling moulbo ang makalilisang nga kayo. Ang lain nga angay pangandaman mao ang linog. Ang 7.2 magnitude nga linog niadtong 2013 di angay nga ilubong sa kalimot. Mao nga sa makausa pa atong dasigon ang mga nagdumala og mga eskwelahan nga kanunayon ang pagbansay bansay sa mga bata sa mga pamaagi unsaon pagluwas ang ilang kinabuhi kon maatlan nga may linog samtang naa sila sa eskwelahan.

Gawas sa earthquake drill, iapil pud ang fire drill. Gawas sa naandan nga paagi nga ilang gisagop sa drill, naa bay lain nga angay nilang ipailaila nga maisip nato nga bag-ong paagi? Basin kadto ra gihapong kinaraan.

•••

Naghisgut man ta og dautang panahon, pila ba ka buok mga bata nga magsakay og sakayan padung sa eskwelahan nga naa sa listahan sa Department of Education (DepEd). Naay daghan nila diha sa mga isla sa Lapulapu City ug Bohol. Nagkinahanglan kini og seryosong monitoring.

•••

Lisod ang biyaan ka og amahan, labi na kong tua na siya sa laing kalibutan. Kon buhi pa unta si Papa nako, dakoa unta sa selebrasyon sa iyang birthday niadtong Agusto 8. Kini tungod kay usa sa iyang mga apo nag-birthday sab pagka Agusto 9. Happy Birthday nalang Papa Dading ug Happy 4th Birthday pud sa akong pag-umangkon Vin Isidore Augustine Mascara. Gikan sa imong Tatay Aga ug Nanay Niki Nadela Mascara, Lola Nating, mga Tiyo , toya ug mga ig-agaw dinhi sa Sugbo, Metro Manila, Bukidnon ug Marawi City.