Opinyon

Nalzaro: Kamada sa pulitika lubog pa

Bobby Nalzaro

KAPIN sa usa ka semana na lang sa dili pa ang filing sa certificate of candidacy (COC) apan, medyo lubog ug hanap pa ang kamada sa pulitika sa nasudnon ug lokal nga eksina.

Nagkamulo pa seguro og tigum ang mga partido karon. Naghunahuna pa ang uban kon modagan o dili. Ug kon unsang posisyon ang ilang daganan. Seguro na ang uban, apan daghan pa ang naniid sa panahon. Naghuwat og insaktong tayming.

Sa nasudnong pulitika, sila si Senador Ping Lacson ug Senador Manny Pacquiao pa ang miitsa sa ilang mga kawo sa presidency. Unang mianunsiyo si Lacson nga magpapili sa pagka presidente ug si Senate President Tito Sotto ang iyang runningmate. Gidawat na usab ni Pacquiao ang pagtuboy kaniya sa faction sa PDP-Laban nga kandidato sa pagka presidente.

Samtang si Presidente Duterte midawat na sa nominasyon kaniya nga modagan sa pagka bise presidente ubos sa laing faction sa PDP-Laban. Ambot kon dili ba kaha mausab ang hunahuna ni Digong.

Samtang laing presidentiables sama nila ni Vice President Leni Robredo, Manila Mayor Isko Moreno, Davao City Mayor Sara Duterte, Senador Bong Go nga gituboy usab sa PDP Laban, kanhi senador Bongbong Marcos wala pa makahukom kon molansar ba. Aw, mahibaw-an ra unya ni inig abot sa filing sa COC. Posible nga dili pa mo-file ang uban sa ilang COC sa deadline kay aduna pay substitution sa Disyembre ning tuiga.

LOKAL

Sa lokal nga eksina, si Vice Mayor Mike Rama pa lang ang mianunsyo sa iyang kandidatura sa pagkamayor. Morag wala nay makapugong ni Mike sa iyang ambisyon nga magpapili pag-usab pagka mayor. Sa habig sa Bando Osmena Pundok Kauswagan (BOPK) wala pa sila pormal nga moanunsiyo sa ilang line-up. Apan nahibawo naman mo nga usa ra ka tawo ang magbuot diha sa BOPK. Hilum nang tanan.

Matod pa sa atong tinubdan nga sila si south district Congressman Bebot Abellanosa ug ABC President Franklin Ong ang mag-partner. Ambot kon wala ba kahay kausaban sa umaabot nga adlaw. (bobbygnalzaro@gmail.com)

UNDER THE SUN. A large umbrella shields students from the heat as they go home riding a bike with sidecar from Buenlag Central School in Calasiao, Pangasinan on Thursday (April 25, 2024). Pangasinan has been posting over 40 degrees Celsius heat index since a few weeks ago, and local government officials have implemented various measures to lessen the impact of the high heat index to the students.

PH sees 77 heat-related illness cases amid rising temperatures

Comelec mulls further limiting substitution due to withdrawal 

PRC to licensure examinees: Only 1 non-programmable calculator per examinee allowed

Magnitude 6 quake rocks Dulag, Leyte

CBCP issues Oratio Imperata to plea for rain