DUNA nay person of interest ang Sasa Police Station sa kamatayon sa usa ka menor de edad alas 4 sa hapon niadtong Lunes, Nobyembre 19, sa Veterans Village, Barangay Panacan, Davao City.

“Duna na tay mga suspek naa na sa opisina ug gina imbestigahan,” sumala ni Chief Inspector Reuben Libera, hepe sa Sasa Police Station.

Una niini, napalgan ang biktima nga usa ka alyas Ken, 15-anyos, residente sa lugar sa iyang silingan nga nanguhag kamunggay sa dapit.

Tulo ka mga samad dinunggaban sa likod ang nahiagoman sa biktima nga maoy hinungdan sa iyang kamatayon.

Wa pa sab matumbok sa kapulisan unsay ugat-hinungdan sa krimen. (Richy Nalagon)