DUHA ka mahalong sakyanan ang nangaugdaw human masunog ang usa ka bodega sa Barangay Communal, Buhangin, Davao City alas 6 kagahapon sa buntag, Enero 18.

Subay sa report nga nakalap sa Superbalita Davao, ang Bio-Life Sciences Solutions Co. nga bodega ang nasunog.

Gikatahong duha ka mga mahalong sakyanan ang naugdaw diin wa kini nanganlan kung unsa nga klase sa mga behikulo.

Nasuta nga mga abuno sa pinya ang naa sud sa maong bodega.

Ginasuta na sa Bureau of Fire Protection Davao City Fire District ang hinungdan sa kalayo.

Wala pa sab gikabutyag pila ang damyos sa hitabo samtang nagpadayon ang gihimong imbestigasyon sa maong sunog.