DAVAO DE ORO -- Mokabat sa 22 ka mga balay sa hilit nga nga dapit sa probinsiya ang nasugaan pinaagi sa Sitio Electrification Program (SEP) pinaagi sa Northern Davao Electric Cooperative (Nordeco) Inc. (Ang Bagong Daneco), Hulyo 12, 2021.

Kini mao ang mga pamilya sa Purok Caimito, Lawaan, Kingking, Pantukan, Davao de Oro diin ang maong proyekto dunay total nga P2,273,741.81.

Naa sa okasyon si Wildean Zapanta nga maoy mirepresentar kang Congressman Ruwel Peter Gonzaga, ug sila Mayor Roberto Yugo, Engr. Nielo Japay-Area III Services Manager, ug mga barangay officials.

Usa ang Nordeco sa mga gahatag og suplay sa kuryente sa mga lagyong barangay diin nahisubay sa mandato sa gobyerno gikan pa 1969 nga ang mga electric cooperatives mopasuga sa mga rural areas alang sa paglambo.

"Tugoti kami nga makapadayon sa among pagserbisyo ninyo... tungod mao kini ang mandatos nga gihatag namo, and this is also the advocacy of our President to have a total electrification ngadto gyod sa mga kahilit-hilitan," sulti ni Nordeco General Manager Mario Angelo Sotto.

Dili suma pa makatabang sa pagsulbad sa problema kung magsige na lang og labay og pangdaut.

Kung moingon si National Electrification Administration (NEA) nga papahawaon na sila kay ang tag-iya pribado na, mao na kuno ang oras nga sila manghawa.

Apan hangtud nga wala pa, hangyo sa Nordeco, "Tagai kami og kahigayonan nga mohatag sa among tinud-anay nga serbisyo dinha kaninyo."

Nagsugod kining tanan dihang dunay mga pangutanan si Samal Island Mayor Al David Uy nga na-post sa Facebook niini ug gilayon sab hinuon nga gihatagan og katin-awan sa Nordeco. (Jeepy P. Compio)