NAGMINGHOY sud sa selda ang usa ka 61 anyos nga lolo nga dunay kasong pagpanglugos human nasikop sa mga personahe sa 1st Coy, Compostela Valley Provincial Mobile Force Company ug sa mga personahe sa Highway Patrol Group, Provincial Highway Patrol Team-Davao de Oro, Criminal Investigation and Detection Group ug sa Provincial Intelligence Branch.

Alas 6:30 sa buntag, Marso 10, 2021, nasikop si Ricardo (bansagon gitago), residente sa Purok 15, Barangay Mt Diwata, Monkayo, Davao De Oro.

Ang suspek usa sa mga most wanted person sa munisipalidad kinsa nasikop pinaagi sa gahum sa warrant of arrest sa kasong statutory rape nga giisyu ni Judge Carmel Grado sa Regional Trial Court Branch 56, Compostela, Davao De Oro, pinetsahan, Pebrero 8, 2021 nga walay girekomenda nga piyansa.

Ang suspek anaa karon sa custodial facility sa awtoridad samtang naghulat sa sunod mando sa korte labot sa iyang kaso. (Jeepy P. Compio)