KIDAPAWAN CITY -- Mitahan sa kaugalingon ang usa sa amasona sa New People's Army (NPA) alas 11:30 sa buntag, Lunes, Abril 26.

Ang amasona giila nga si Lilia Cagulada Gecana alyas Kumander Ligaya, 63 anyos, minyo, lider sa Guerilla Front 72 ug Gabriela Malabuan cluster.

Misurender si Gecana sa militar ug kapulisan sa Makilala, North Cotabato, uban ang tabang sa mga opisyal sa barangay.

Gikompirma ni Makilala Chief of Police, Major Arniel Melocotones, nga si Gecana dunay warrant of arrest tungod sa kasong multiple attempted murder nga giisyu gikan sa Regional Trial Court, 12th Judicial Region, Branch 23 sa Kidapawan City.

"The day before her surrender, our warrant officer received a text message from Gecana saying that she will voluntarily submit herself to authorities. Her yielding is due to intense intelligence monitoring jointly initiated against her by the police and military," suma ni Melocotones.

Dala ni Kumander Ligaya sa iyang pagbalik sa sabakan sa balaod ang usa ka M16 Armalite rifle, usa ka kalibre .45 nga pistola, mga bala ug mga magazine.

Sa kasamtangan, si Gecana naa sa costudial facility sa Makilala Municipal Police Station ug gitakda nga ipresenta sa korte alang sa iyang commitment order. (Edgar E. Fuerzas)