NAG-VIRAL karon sa social media ang baktin nga dunay duha ang ulo sa M’lang, North Cotabato.

Sa Facebook post sa usa ka Eloisa Fame Baliguat, gibutangan niya kini og kapsyon: "Our Kambal Biik Born: July 06, 2021, 10:30 p.m."

Matud sa tag-iya nga Hulyo 6 nanganak og napulo ka buok ang ilang binuhing anay diin dako ang ilang katingala gumikan ang ika-upat nga baktin duha ang ulo.

Apan sa impormasyon, nakabsan sa kinabuhi ang baktin nga wala pa'y 24 oras.

Niadtong Enero 31, 2019, naa sab natala nga susamang hitabo didto sa Calian, Sultan Kudarat, nga gipanag-iyaha ni Adelita Dalipe.

Suwerte suma pa ang dunay ingon niini sa baboyan, apan bisan og himsog kini, mubo lang gihapon ang ilang panahon itandi sa mga normal niya nga mga igsuon.

Sumala sa eksperto nga ang maong matang sa hitabo mao ang "Polycephaly," usa ka kondisyon diha sa mga livestock nga mogawas nga duha ang ulo.