DAGSA ang mga higala sa komedyanteng si Chokoleit sa unang gabii sa iyang lamay, Marso 11 sa usa ka punerarya sa Antipolo City.

Si John “Sweet” Lapus mipahibalo niini sa iyang Facebook, Martes, Marso 12.

Matud ni John nga nag-double check siya sa higala, kun naplastar ba kini og maayo.

“Kanina, ako ang unang dumating sa magkakaibigan. Kasi nga, gusto kong i-double check yung...Well, bago naman ako natulog kagabi, nagbilin na ako sa mga tao sa make-up saka sa damit.”

Dugang ni John nga si Mickey See sab ang in-charge sa makeup ni Chokoleit.

“Ang damit, of course, Bing Cristobal! Si Mama Bing ang laging nagdadamit sa kanya pag Star Magic Ball. So, Mama Bing made sure na siya ulit ang magdadamit for the last time.”

Wa pay tino nga programa alang sa lamay, apan sa Huwebes, Marso 14 may himuong programa diin sponsor ang Star Magic.

“Nandoon na ang eulogy, program and all. Kasi, the next day, Friday morning, dadalhin na siya sa Davao,” ni John.

Wala pa gikabutyag asa hayaon ang komedyante, apan gikompirma kini sa higala nga si John nga dalhon kini sa dakbayan sa Davao.

Tuig 2009, usa ka sakit nga trahedya ang mihapak sa pamilya sa komedyante human nasunog ang ilang balay sa Coca Cola Village sa Matina, Davao City diin apil sa nasunog ang iyang inahan.