NAUGDAW ang ubang mga importante gamit sa Sinawilan National High School (SNHS) human kini nasunog Martes sa buntag, Hulyo 5, 2022.

Saysay sa Facebook post sa netizen nga si Ridonna Agbon, naugdaw ang lawak diin asa maoy klasrom nga gihimong supply office, science room, ug school clinic.

Giingon ni Agbon nga milyones gayod ang damyos diin didto nahimutang ang IT Equipment sa maong tulunghaan.

"Milyones ang damyos kay naa sa maong building ang mga IT Equipment sa maong tulunghaan: 18 government issued laptap, resograph, photocopier, school supplies, tablets and faculty personal belongings," sumala ni Agbon.

Hinuon porsiyon lang sa tunghaan ang naugdaw human nga paspas nga miresponde ang kabomberohan sa maong hitabo.