DAGHANG mga barangay sa Siyudad sa Davao gilangkat na gikan sa "very high-risk" category samtang ang uban gipailawom sa mas higpit nga pagdili sa kalihukan sa bag-ohay nga pagsusi sa Davao City Covid-19 Task Force.

Sa uwahing risk assessment report sa Davao City Covid-19 Task Force nga gipagawas Dominggo, Hulyo 5, 2020, mga barangay sa Bucana, Buhangin Proper, Maa, Matina Crossing naa karon sa high-risk areas, nga gilakipan sab sa 5-A sa listahan. Kini nga mga barangay kanhi naa sa very high-risk area niadtong Hunyo 27 hangtud Hulyo 3 nga risk classification.

Nahabilin ang mga barangay sa 23-C, Agdao Proper ug Leon Garcia nga naa sa very high-risk area category.

Gipaluagan sab ang mga pagdili sa kalihukan sa Barangay Cabantian kay gipaubos na kini karon sa moderate-risk area sa bag-ong pagsusi sa kanhi very high-risk area.

Samtang ang Matina Aplaya gipataas sa high-risk category gikan sa moderate-risk area base sa kanhi klasipikasyon. Ang ubang high-risk areas mao ang 15-B, 26-C, Tomas Monteverde.

Gikan sa listahan nga high-risk areas, mga barangay sa 19-B, 22-C, Talomo Proper, Wildredo Aquino, 1-A, 31-D, 39-D, 40-D, Magtuod, Waan naa na karon sa moderate-risk nga mga lugar.

Apan mga barangay sa Binugao ug Dalagdag gidugang sa listahan sa moderate-risk barangays gikan sa low-risk area.

Mga barangay nga nahilakip sa moderate-risk classification mao ang 2-A, 3-A, 6-A, 8-A, 9-A, 10-A, 11-A, 12-B, 13-B, 14-B, 20-B, 21-C, 27-C, 34-D, Angliongto, Bago Gallera, Bago Oshiro, Baliok, Bangkas Heights, Bunawan Proper, Calinan Proper, Catalunan Grande, Catalunan Pequeño, Centro (San Juan, Agdao), Communal, Daliao, Dumoy, Gov. Bangoy, Gov. Duterte, Ilang, Indangan, Langub, Mabuhay (Paquibato), Malagos, Matina Aplaya, Matina Pangi, Mintal, Pampanga, Panacan, Rafael Castillo, Saloy, San Antonio, San Isidro/Licanan, Sasa, Sto. Niño, Tacunan, Talomo River, Tibungco, Tigatto, Toril Proper, ug Vicente Hizon, Sr.

Tungod kay wa mahisguti sa risk assessment, naa karon sa low-risk barangay ang 18-B, 25-C, Bago Aplaya, ug Lapu-Lapu.