SIKOP ang walo ka mga indibiduwal atol sa buy-bust operation sa Philippine Drug Enforcement Agency (PDEA)-Davao alas 5:30 sa hapon niadtong Septyembre 11 didto sa Purok 1-B, Barangay 76-A, Davao City.

Sumala sa impormasyon gikan sa PDEA-Davao, ang subject sa buy-bust mao ang usa ka Rudy, 44-anyos, laborer ug residente sa dapit.

Apan sa dihang sikupon na ang suspek, naatlan sab ang laing pito pa ka mga indibiduwal nga nag-shabu session sud sa balay ni Rudy nga giingong gihimong drug den.

Mokantidad sa P300,000 nga gituohang shabu ang nasakmit sa PDEA gikan sa posisyon sa mga dinakpan.

Naa suma pa'y nadawat nga impormasyon ang PDEA sa hitak nga ilegal nga druga sa nasampit nga balay hinungdan nga mikasa sila og operasyon.

Kasong pagsupak sa Article II sa Republic Act 9165 kun Comprehensive Dangerous Drugs Act of 2002 ang atubangon sa mga dinakpan didto sa korte. (Jeepy P. Compio)