TACURONG CITY -- Wala na makaabot sa Valentine's Day ang usa ka embalmer human nga siya nay gihaya sa dihang gipusil alas 11:30 sa gabii, Sabado, Pebrero 13, 2021.

Giila ang napatay nga si Jay Esparagoza, 21, ulitawo, molupyo sa Purok Lansones, Barangay Barorao 2, Lebak, Sultan Kudarat.

Samaron sab ang iyang ig-agaw nga si Alex Lezter Lazona, 19, ulitawo, nagpuyo sa Barangay Kadi, Senator Ninoy Aquino sa nahisgutang probinsiya.

Gibutyag ni Sultan Kudarat Police Provincial Office Director Colonel Noel Kinazo nga sakay sa motorsiklo ang mga biktima gikan namisita sa ilang uyab ug pauli na unta sa dihang gipamusil sa riding in tandem suspects gamit ang kalibre .45 nga pistola.

Abtik nga miikyas ang mga suspek paingon sa hilit nga dapit sa Lebak.

Mga biktima daling gitabang sa mga molupyo sa dapit ug gihatud ngadto sa Lebak District Hospital apan namatay si Esparagoza nga naigo sa likod sa tangkugo.

Grabe sab ang kahimtang ni Latoza nga naigo sa likod ug kilid nga bahin sa lawas.

Hangtud sa pagsuwat ning balita, blangko pa ang kapulisan sa Lebak Municipal Police Station sa motibo sa pagpamusil sa mga biktima.