GIHIMAKAK sa mga awtoridad sa Talaingod, Davao del Norte ang taho nga hulgang “Pangayaw” o “tribal war” batok sa mga magtutudlo sa Department of Education (DepEd), ug nagkanayon nga hinimo-himo lang ug way basehan.

Gikanayon ni Police Captain Rogaciano Rosales Gara, chief of police of Talaingod, sa paghinabi uban sa SunStar Davao Martes, Hulyo 23, nga ang insidente nagsugod sa dihang ang prinsipal sa Sto. Niño Elementary School nakadawat og mensahe sa teks nga nagkanayon og Pangayaw human gisuspende ang mga tulunghaan sa Salugpongan ug unya giduso kini ngadto sa ilang buhatan aron nga masusi.

“Nagpa-conduct ako ng investigation. Talagang walang basehan and false report ‘yan kahit yong intelligence ng 56th IB headed by Lieutenant Colonel Norman Valdez. Walang katotohanan ang report na ‘yan na may Pangayaw na gagawin sa mga public school teachers natin,” matud ni Gara.

Apan tungod sa insidente, mga magtutudlo wala na misulod sa klase naidtong Lunes ug Martes sa kahadlok sa posibleng pag-atake.

Dugang pa niya, “Wala nag-declare si mayor og class suspension. Ang mga teachers lang hindi pumasok talaga kasi natakot.”

Gisulti ni Gara nga human masayri ang insidente, gitawagan nila ang mga lider sa tribal sa nagkadaiyang sitios sa Talaingod apan mga lider nanghimakak sa posibleng pag-ulbo sa Pangayaw sa ilang tagsa-tagsa ka mga lugar.

“Nag-confirm ang mga tribal leader doon na wala namang threats sa mga teachers doon na pangayaw. Actually, ‘yong hindi pagpasok ng mga teachers, hindi nag-declare ang municipal mayor dito na hindi pumasok sila sa kani-kanilang mga school kundili, kusang loo bang mga teachers doon na hindi muna pumasok kahapon dahil sa text message na yan,” tin-aw ni Gara.

Niadtong Martes, nagtigum sila uban sa mga magtutudlo sa DepEd, local government units nga girepresentahan ni Talaingod Mayor Jonnie Libayao, ug sa 56th Infantry Battalion (IB) aron nga hisgutan ang maong butang ug moumol og security plan aron mapugngan ang maong hulga.

“Napag-usapan doon na ‘yong mga tribal leader doon sa kani-kanilang mga Sitio ay sila na ang magbantay doon sa kanilang mga schools. Tulungan nila ang mga teachers doon at tsaka ‘yong army natin mag conduct ng preventive patrol doon sa kanilang mga Sitio,” puno pa niya.

Mga magtutudlo sa DepEd nga nadestino sa mga hilit nga lugar nipasalig atol sa ilang miting nga mohimo sila og klase karong adlawa, Hulyo 24. (JCR)