MALAUMON si Maguindanao second district Representative ug senatorial candidate Dong Mangudadatu nga mapadayon ang kalinaw sa Mindanao luyo sa natigayong giyera sa Lanao Sur nga mikutlo og upat ka kinabuhi nga mga miyembro sa Moro Islamic Liberation Front (MILF) ug pagkasamad sa walo ka mga police personnel.

Giingon ni Mangudadatu nga di unta kini makaapekto sa election campaign ug sa implementation sa Bangsamoro Organic Law (BOL) sa kinatibuk-ang Bangsamoro Autonomous Region in Muslim Mindanao.

“Sa aking pananaw, meron tayong due process, may investigation, depende sa kalalabasan ng investigation ng PNP and AFP kung ano ang punot dulo ng nangyari sa Lanao,” ingon ni Mangudadatu.

Ang gobyerno ug ang MILF gilayong mipahigayon og inquiry diin gihangyo ni Mangudadatu nga motumaw ang hustisya ug likayan ang mga espekulasyon nga maoy makalubog sa imbestigasyon.

Magpadayon suma pa ang election campaign nga maoy butang nga masayran sa katawhan ang mga plata porma de gobyerno sa mga kandidato.

Si Mangudadatu, midagan pagka-senador ilawom sa President’s party nga Partido Demokratikong Pilipino–Lakas ng Bayan (PDP-Laban) kinsa kusganon nga giindorso ni Davao City Mayor Sara Duterte nga maoy nanguna sa Hugpong ng Pagbabago (HNP) sa pagduso sa P.E.A.C.E agenda nga mao ang P.E.A.C.E stands for Prosperity, Education, Agriculture, Cultural Unity, and Energy.

Si President Rodrigo Duterte kusganon sab nga miindorso kang Mangudadatu kinsa naghulagway niini nga usa ka maayong lider sa Moro people nga nagpromotar sa kalinaw sa Mindanao.

“Tulungan ninyo ako, maski ito lang. Kasi hirap ako sa Mindanao na mag-ayos ng mga tribu-tribu. So, hingin ko ay isa lang. Masabi ko lang na may isang senador na aalagaan mo, kasi he will promote peace in Mindanao,” ingon ni Pangulong Duterte atol sa usa sa mga sorties niini. (PR)