NANUMPA na kagahapon sa buntag si reelected Mati City Mayor Michelle Nakpil Rabat sulod sa lawak sa Hall of Justice sa Provincial Capitol diin gisugat siya sa iyang mga taga suporta alang sa iyang oathtaking, Mayo 19, 2022.

Pipila ka mga minuto ang milabay gikan sa iyang pag-abot, nakighimamat una si Mayor Michelle sa mga tawo nga anaa sulod sa lawak ug nagsugod dayon ang seremonyas sa iyang pagpanumpa.

Nanumpa si Mayor Michelle atubangan ni acting Presiding Judge sa Regional Trial Court, Branch 5 ug presiding judge sa Family Court, Branch 8 Semiramis Bituin Castro.

Si Rabat nakakuha og kapin sa 45,000 botos sa Mayo 9, 2022 nga eleksiyon. (PR)