ANAA na sa luwas nga kahimtang ang dul-an baynte ka mga pasahero lakip drayber sa multicab nga nadisgrasya Dominggo sa buntag didto sa Barangay Aundanao, Samal District, Island Garden City of Samal (Igacos), Davao del Norte.

Sa impormasyon gikan sa Samal Police Station sa Peñaplata-Sub Station nasayran nga nawad-an og preno ang multicab hinungdan nga nadasmag kini sa punoan sa kahoy.

Gumikan sa kahoy, wala nahulog ang multicab sa pangpang ug naluwas ang mga pasahero kinsa nakaangkon og mga pangos sa kalawasan.

Nasayran nga padung sa Canibad Beach Resort ang maong multicab apan pag-abot niini sa likuong bahin sa Barangay Aundanao, nawad-an na kini sa kontrol.

Kapulisan sa Igacos, nagpahinumdom sa mga mangaligo og dagat sa isla nga magdala og sakyanan nga seguraduhon nga i-check una kun anaa sa kondisyon ba ang ilang sakyanan una ang biyahe.