DAVAO DEL SUR -- Gipasakaan na og kasong murder ang suspek sa pagpusil-patay sa brodkaster nga si Orlando "Dondon" Dinoy human kini nailhan sa awtoridad pinaagi sa resulta sa cartographic sketch.

Kagahapon sa buntag, Nobyembre 15, pormal nga gipasaka ang kaso batok sa suspek nga si Brandie Mercado Campaner.

Sa report sa Newsline Philippines, diin asa nahimong reporter si Dinoy sud sa upat ka bulan, gikompirma ni Police Regional Office (PRO)-Davao Director Brigadier General Filmore Escobal nga alas 8:10 kagahapon sa buntag, Nobyembre 15, gidawat sa korte sa Bansalan, Davao del Sur ang kaso nga gipasang-at sa Special Investigation Task Group (SITG) Orlando "Dondon" Dinoy.

Dugang pa nga matud ni Escobal, ilang gibasehan ang mga testimonya sa mga nakasaksi sa hitabo ug ang cartographic sketch sa suspek.

Kahinumdoman nga Oktubre 30, gipusil-patay si Dinoy sud sa iyang girentahan nga apartment sa Mother Ignacia Street, Bansalan sa Davao del Sur.

Si Dinoy gilubong niadtong Nobyembre 10, 2021 didto sa Bansalan Public Cemetery.