NASUBO pag-ayo nga nagpa-blotter sa Talomo Police Station ang usa ka 22-anyos nga babayeng nurse human siya gipasanginlan nga siya ang nagpakatag sa sex video sa usa sa ilang kauban.

Sa miaging adlaw, usa ka alyas Abby, nurse, nagpuyo sa Purok 3-A, Barangay Matina Pangi ang midangop sa kuwerpo sa kapulisan kay nasubo siya pag-ayo dihang siya ang gidut-an sa tanan niyang mga kaubanan.

Una niini dunay usa ka sex video nga mikatag nga iya sa usa ka nurse sa usa ka ospital sa second district sa Davao City.

Ang eksena sa nasampit nga sex video, mao ang perteng pagbag-id-bag-id sa nurse ngadto sa usa ka aktor.

Gikuninitan ang mga sex scandal sa nurse ug nabandilyo sa tanang department sa ospital.

Usa ka buntag, nakadawat na lang og tawag si Abby gikan sa iyang head ug gilayon kining gikompronta.

Ang katuyoan ni Abby nga nagpa-blotter, aron malimpyo ang iyang pangalan gumikan suma pa dili gayod siya ang nagpakatag sa sex scandal sa iyang kaubang nurse.