PIPILA ka mga tunghaan sa rehiyon onse ang gihatagan og pasidungog sa Department of Agriculture (DA)-Davao tungod sa malampuson nilang pagpatuman sa programang "Gulayan sa Paaralan" o GPP Program katambayayong ang Department of Education (DepEd).
Ang programa gimugna aron mas mapalapdan pa ang pagsabot sa mga kabataan, maestra, bisan ginikanan sa saktong nutrisyon nga gikampanya sa gobyerno.
Ilawom sa DA-High Value Crops Development Program (HVCDP), ang GPP nahimong dalan aron pakigbatukan ang malnutrisyon sa kabataan ug komunidad.
Naapil sa 24 ka finalist, ug giilang mananaug sa Best GPP implementers sa SY 2018-2019 ang mosunod:
* Container Garden Elementary Category
1st - Guihing Central Elementary School - Davao del Sur
2nd - Mawab Central Elementary School - Compostela Valley Province
3rd - Tuburan Village Elementary School - Davao Oriental
* Container Garden High School Category
1st - Tagum Ciity National Comprehensive High School - Davao del Norte
2nd - Basiawan National High School - Davao Occidental
3rd - Andili National High School - Compostela Valley Province
* Field Garden Elementary Category
1st - New Bantayan Elementary School - Davao del Norte
2nd - Cadalian Elementary School - Davao City
3rd - San Antonio Elementary School -Davao Occidental
* Field Garden High School Category
1st - Nuevo Iloco National High School -Compostela Valley Province
2nd - Semong National High School - Davao del Norte
3rd - Paniquian National High School - Davao Oriental
Sa iyang mensahe atol sa awarding ceremony nga gihimo sa Davao City, si DA Director Ricardo Oñate midayeg sa paningkamot sa mga evaluators nga gilangkuban sa mga personahe gikan DA ug DepEd lakip na ang GPP coordinators sa misalmot nga tunghaan tungod sa kalampusan sa kalihukan.
“It is very comforting to witness how the GPP has evolved not only as an effective advocacy tool but also on how it has mobilized and transformed various schools and communities into a united and bankable force in our fight against malnutrition,” suma ni Oñate.
Gidugang niya nga tungod sa GPP nagmalampuson ang kampanya nga kunhuran ang ihap sa giingong “wasted children” ug mapalambo sab ang ilang performance.
Ang programa nagtumong nga masulbad ang suliran sa malnutrisyon sa nasud diin usa sa tumong nga magmugna og school gardens isip tinubdan sa pagkaon nga gamiton sa supplementary feeding. (PR)