NAKA-STANDBY na 24 oras ang Public Safety and Security Command Center (PSSCC) uban sa Davao City Central 911 sa posibleng pagbaha sa mga lugar nga ubos ngari sa Davao City.

Alas 12:10 sa udto kagahapon, Mayo 7, perte kakusog sa ulan nga posibleng karong adlawa duna pa’y pagtutaligsik nga dala sa intertropical convergence zone (ITCZ) nga nakaapekto sa Mindanao.

Nagpasidaan ang awtoridad sa mga namuyo daplin sa mga lugot ug anaa sa tiil sa bungtod nga mag-amping ug mabinantayon sa posibleng landslide.

Karong Sabado, Mayo 8, ang mga dapit sa Davao Region makasinati gihapon sa mga pat-ak pat-ak nga mga pag-ulan, kasarangan ang hangin, ug dunay pagpanalugdog ug kidlat.

Ang Urban Search and Rescue team sa Central 911 andam na sa pag-rescue sa posibleng mga maipit sa baha ug landslide. (Jeepy P. Compio)