PADADA, Davao del Sur -- Usa ka sakop sa Philippine Drug Enforcement Agency (Pdea) didto sa Autonomous Region in Muslim Mindanao (ARMM) ang gisikop sa kapulisan, alas 11:00 sa gabii, Sabado, Pebrero 23.

Ang suspek nailhan nga mao si Jamina (bansagon gitago), 37-anyos, minyo nga molupyo sa Paradise Country Homes, Barangay Tres de Mayo, Digos, Davao del Sur.

Sa gipaguwang taho sa kapulisan gihulagway nga nag-hurumentado ang suspek didto sa Southeastern College of Padada.

Sa pagresponde sa kapulisan, nakuha nila sa posisyon sa suspek ang usa ka kalibre .45 pistola, tulo ka magazines ug 22 ka buhing bala sa maong kalibre sa armas.

Naghupot sab ang suspek og usa ka identification card sa Pdea ug letter order.

Sa kasamtangan, temporaryong gikustodiya sa kapulisan ang dinakpan samtang gitun-an ang kasong ipasaka baton niini.